კროოსი: „ახლა არცერთი მსოფლიო დონის ფეხბურთელი არ გვყავს"

ლეგენდარული გერმანელი ნახევარმცველი, ტონი კროოსი, მსოფლიო ჩემპიონატიდან გერმანიის ნაკრების გამოვარდნას გამოეხმაურა.

იულიან ნაგელსმანის გუნდი მუნდიალის 1/16-ფინალში პარაგვაისთან პენალტების სერიაში დამარცხდა და ტურნირს დაემშვიდობა:

„ჩვენ ახლა არ გვყავს არცერთი მსოფლიო დონის მოთამაშე. გვყავს ფეხბურთელები, რომლებსაც აქვთ პოტენციალი, რომ გახდნენ მსოფლიო დონის ვარსკვლავები, მაგრამ ეს არ ნიშნავს, რომ ისინი უკვე არიან ასეთები.

მსოფლიო დონის მოთამაშეები ახლა მსოფლიო ჩემპიონატზე ყველა მატჩის ბედს წყვეტენ - და სწორედ ისინი ლიდერობენ საუკეთესო ბომბარდირთა სიას. ჩვენ არ გვყავს არცერთი ასეთი ფეხბურთელი, ამაში მაქსიმალურად გულწრფელები უნდა ვიყოთ.

როდესაც წარმატებული ტურნირები გვქონდა, ყოველთვის მქონდა შეგრძნება, რომ შეგვეძლო თამაშში მეტი სიჩქარის ჩართვა და მომატება.

ამჟამინდელ გუნდს კი ამის გაკეთება აღარ შეუძლია. ჩვენ უბრალოდ ვფიქრობთ, რომ პარაგვაიზე უკეთესები ვართ და როგორღაც მაინც მოვიგებთ“, - განაცხადა კროოსმა პოდკასტში.