კურტუა, დე ბრუინი და ლუკაკუ - მუნდიალების ბელგიური ისტორია

რომელუ ლუკაკუ და კევინ დე ბრუინი გახდნენ პირველი ბელგიელი ფეხბურთელები, რომლებმაც მსოფლიო ჩემპიონატის სამ სხვადასხვა გათამაშებაში გაიტანეს გოლი.

ორივე ფეხბურთელმა თავი 2014, 2018 და 2026 წლების მუნდიალებზე გამოიჩინა.

რომელუ ლუკაკუ კი ბელგიის ყველა დროის საუკეთესო ბომბარდირია მსოფლიო ჩემპიონატების ისტორიაში. თავდამსხმელს მუნდიალებზე 6 გოლი აქვს გატანილი და ამით მარკ ვილმოტსის შედეგი (5 გოლი) გააუმჯობესა.

ამასთან, ლუკაკუ და დე ბრუინი მსოფლიო ჩემპიონატების ისტორიაში ყველაზე შედეგიან ბელგიელ ფეხბურთელთა სიაში ედენ აზარსა და იან კოლემანსს შეუერთდნენ.

მათ ყველას 7 გოლში აქვთ მონაწილეობა მიღებული (გოლი + საგოლე გადაცემა):

იან კოლემანსი - 4 გოლი, 3 ასისტი

ედენ აზარი - 3 გოლი, 4 ასისტი

კვეინ დე ბრუინი - 3 გოლი, 4 ასისტი

რომელუ ლუკაკუ - 6 გოლი, 1 ასისტი

ტიბო კურტუა კი ბელგიის ისტორიაში ყველაზე მეტ მატჩში მონაწილე ფეხბურთელია მსოფლიო ჩემპიონატებზე.

მადრიდის რეალის მეკარეს მუნდიალებზე 18 მატჩი აქვს ჩატარებული, რაც ბელგიელი ფეხბურთელებისთვის რეკორდული მაჩვენებელია.

კურტუამ მატჩების ეს რაოდენობა 4 მუნდიალზე დააგროვა - 2014, 2018, 2022 და 2026. ტიბომ ამით ენცო შიფოს (17 მატჩი) მაჩვენებელი გააუმჯობესა.

ბელგიამ ახალი ზელანდია გაანადგურა და ჯგუფი მოიგო