სად აგრძელებს კარიერას კევინ დე ბრუინი?

კევინ დე ბრუინი ნაპოლიდან წასვლას გეგმავს, მისი შეძენით კი თურქული გალათასარაი სერიოზულად ინტერესდება.

ბელგიელი ვარსკვლავის სადებიუტო სეზონი სერია ა-ში შიდა კონფლიქტებითა და იმედგაცრუებით დასრულდა.

მთავარი პრობლემა ყოფილ მწვრთნელთან, ანტონიო კონტესთან ტაქტიკური შეუთავსებლობა იყო. ფეხბურთელმა სიტუაცია საჯაროდ გააკრიტიკა:

ჩემთვის რთული იყო, რადგან კონტეს ფეხბურთზე ჩემგან სრულიად განსხვავებული ხედვა აქვს... როცა 5-4-1 სქემაში თითო მატჩში ერთ გოლს იტან, ეს არც ისე კარგია. მიხარია თუ არა, რომ კონტე მიდის? პირადად ჩემთვის, დიახ

მიუხედავად რთული სეზონისა, 35 წლის ნახევარმცველის სტატისტიკა ასეთი იყო:

ჩატარებული მატჩები: 21
გოლები: 5
საგოლე გადაცემები: 4

ნაპოლის სპორტული დირექტორი ჯოვანი მანა აცხადებს, რომ მოთამაშეს წასვლის ერთპიროვნული გადაწყვეტილების მიღების უფლება არ აქვს:

კევინის გადასაწყვეტი არ არის, დარჩება თუ წავა. ის პროექტის ნაწილია და სხვა მოთამაშეების მსგავსად, მწვრთნელის განკარგულებაში უნდა იყოს

ახლა კლუბმა ახალი მწვრთნელის, მასიმილიანო ალეგრის პირობებში უნდა გადაწყვიტოს, უღირს თუ არა უკმაყოფილო ვეტერანის შენარჩუნება.