ხვიჩა კვარაცხელიამ, ფაბიან რუისთან და უსმან დემბელესთან ერთად The Athletic-ისთვის მიცემულ ინტერვიუში, თანაგუნდელის უნიკალური უნარები იუმორისტულად შეაფასა.
როდესაც საუბარი დემბელეს ორივე ფეხით თამაშსა და მის ძლიერ მხარეზე ჩამოვარდა, ფრანგმა ფეხბურთელმა აღნიშნა:
პატარაობიდანვე ყოველთვის მარჯვენა ფეხით დარტყმას ვამჯობინებდი, თუმცა მარცხენა ფეხითაც არ ვარ ცუდი. დაბადებიდან ასეა, ფეხბურთს ვთამაშობ. ვარჯიშზე ბევრს ვმუშაობდი ორივე ფეხის გასაუმჯობესებლად. ვცდილობ, ეს იმპულსი შევინარჩუნო, რომ მარჯვენათი და მარცხენათი დარტყმა შევძლო. ეს არის ის, რაზეც ფეხბურთელებმა უნდა იმუშაონ, განსაკუთრებით ფაბიან რუისმა. მას მხოლოდ ერთი მარცხენა ფეხი აქვს კარგი!
თავის მხრივ, დემბელეს ამ განცხადებას ხვიჩა კვარაცხელიამ ძალიან სახალისო და დასამახსოვრებელი რეპლიკით უპასუხა:
მე მგონი, ღმერთმაც კი არ იცის, დემბელეს რომელი ფეხი უფრო ძლიერი აქვს.
ამ ხუმრობამ მთელი დარბაზი გააცინა და კიდევ ერთხელ გაუსვა ხაზი პსჟ-ის ვარსკვლავების მეგობრულ ატმოსფეროსა და პარიზულ გასახდელში არსებულ მხიარულ განწყობას.
