პარი სენ-ჟერმენის ფრანგმა თავდამსხმელმა უსმან დემბელემ გამოცემა The Athletic-თან ერთობლივი ინტერვიუს დროს ხვიჩა კვარაცხელიას შესახებ ისაუბრა.
მან გაამხილა, თუ რა მეტსახელებით მიმართავენ თანაგუნდელები ქართველ ფეხბურთელს პარიზულ კლუბში.
დემბელემ ხვიჩას მაღალი სათამაშო კლასი და ევროპული მასშტაბის წარმატებებიც შეაფასა:
ის წარმოუდგენელი მოთამაშეა, ერთ-ერთი საუკეთესო გარემარბი და მსოფლიოში ერთ-ერთი საუკეთესო ფეხბურთელი. გასულ წელს მან შესანიშნავი სეზონი ჩაატარა. ჩვენთვის ის ძალიან, ძალიან მნიშვნელოვანია. უნდა აღინიშნოს, რომ მას მრავალი მეტსახელი აქვს, კლუბის შიგნით კი „საუკეთესოს“ ან „კვარადონას“ ვეძახით.
თავად ხვიჩა კვარაცხელიამ აღნიშნა, რომ მისთვის კვარადონა განსაკუთრებული და საამაყო მეტსახელია, თუმცა ის ამასთანავე დიდ პასუხისმგებლობასაც აგრძნობინებს. მისი თქმით, დიეგო მარადონას მსგავს ლეგენდასთან შედარება დიდი პატივია, თუმცა ისტორიაში ამ დონის მოთამაშის გამეორება უზარმაზარ სირთულესთან არის დაკავშირებული.
