ჩემპიონთა ლიგის პირველი ტური დასრულდა - დღევანდელ ბლოგში გასული კვირის საუკეთესო გუნდის ჩვენეულ ვერსიას წარმოგიდგენთ.
განლაგება: 3-2-4-2
მეკარე: დიოგო კოსტა
წაგებული მატჩისა და ორი გაშვებული გოლის მიუხედავად, პორტოს კარის დარაჯს საოცარი მატჩი გამოუვიდა - ჯამში 8 მოგერიებიდან, რამდენიმე მართლაც ფანტასტიკის სფეროდან იყო.
მცველები:
მარკ ბარტრა: 8 დაცვით კონტრიბუციასთან ერთად, ესპანელმა მცველმა ლილის კარი ორჯერ აიღო და ბეტისს მნიშვნელოვანი გასვლითი გამარჯვება მოუპოვა.
ლისანდრო მარტინესი: 8 დაცვითი კონტრიბუცია, 92%-იანი პასების სიზუსტე, 2 დაბლოკილი დარტყმა, 2 დაბრუნება და გოლი.
ალექსანდრო რიბეირო: 12 დაცვით კონტრიბუცია, 95%-იანი პასების სიზუსტე, 3 დაბლოკილი დარტყმა, 6 დაბრუნება და გოლი.
ნახევარმცველები:
ჯონ მაკგინი: 4 საკვანძო პასი, დაცვაში თუ შეტევაში სასარგებლო თამაში და მე-12 გოლი ევრო ტურნირებზე - შოტლანდიელმა ოლი უოტკინსს გადაასწრო და ევროპაში ასტონ ვილას ყველა დროის საუკეთესო ბომბარდირი გახდა.
დომინიკ სობოსლაი: უნგრელმა ატლეტიკოს წინააღმდეგ მერსისაიდელთა გამარჯვებაში უდიდესი როლი ითამაშა - 5 საკვანძო პასი და გამათანაბრებელი გოლი.
შემტევები:
რაფინია: ბრაზილიელი ბარსელონას ლიდერობას და საოცარ ფორმაში ყოფნას აგრძელებს - რაფინიამ ფეინოორდის კარი ორჯერ აიღო, ხოლო პირველი გოლი ნამდვილად სეზონის საუკეთესო გოლობისთვის იბრძოლებს. 4 საკვანძო გადაცემა, 6 პროგრესული სვლა და მატჩის საუკეთესოს ტიტული.
მაიკლ ოლისე: Mr. nonchalant საოცარი ჩემპიონთალიგური საღამოების შემოთავაზებას აგრძელებს - ფრანგმა ბოდო/გლიმტს ორი შესანიშნავი გოლი გაუტანა და ერთი საგოლე გადაცემაც მიითვალა. რაფინიას გოლისა არ იყოს, სეზონის საუკეთესოობისთვის მაიკლის პირველი გოლიც იბრძოლებს.
უსმან დემბელე: ყველაზე შედეგიანი მატჩი მოქმედ ოქროს ბურთის მფლობელს გამოუვიდა - დემბელემ 64 წუთში ბრატისლაველებს ორჯერ გაუტანა, ხოლო ორჯერაც თანაგუნდელებს გაატანინა.
ფორვარდები: ფერან ტორესი და ერმედინ დემიროვიჩი
ორივე ფორვარდმა ჩემპიონთა ლიგის პირველი ტური ჰეთ-თრიქით აღნიშნა - მუნდიალის მომგები გოლის ავტორმა ლუის ენრიკეს როტაცია ბრწყინვალედ გამოიყენა და სამი გოლის შეგდება 73 წუთში მოასწრო.
ბოსნიელის შემთხვევაში საქმე უფრო უნიკალურ ამბავთან გვაქვს - შტუტგარტის ფორვარდი ჩემპიონთა ლიგაზე მეხუთე ყველაზე ადრეული ჰეთ-თრიქის ავტორი გახდა. აქამდე მატჩის სტარტიდან უფრო მოკლე დროში სამი გოლი მხოლოდ ოთხ ფეხბურთელს გაუტანია:
რობერტ ლევანდოვსკი v ზალცბურგი (23-ე წუთი)
მარკო სიმონე v როსენბურგი (24-ე წუთი)
კილიან მბაპე v ოლიმპიაკოსი (29-ე წუთი)
ვანგელის პავლიდისი v ბარსელონა (30-ე წუთი)
