ლა ლიგაში მიქაუტაძის დებიუტი შედგა - ატლეტიკომ ამ სეზონში პირველად მოიგო

ლა ლიგის მე-4 ტურში მადრიდის ატლეტიკომ პირველი გამარჯვება მოიპოვა.

მეტროპოლიტანოზე სიმეონეს გუნდს ვილიარეალი ესტუმრა, რომელსაც 9 შესაძლოდან 7 ქულა ჰქონდა მოპოვებული. ყვითელი წყალქვეშა ნავის რიგებში ოფიციალური დებიუტი ჰქონდა გიორგი მიქაუტაძეს, რომელმაც მატჩი სასტარტო შემადგენლობიდან დაიწყო.

ამ სეზონში პირველად, ატლეტიკომ საქმის ბოლომდე მშვიდად მიყვანა და გამარჯვების მოპოვება შეძლო - მატჩი მადრიდელების გამარჯვებით 2:0 დასრულდა.

გოლის გატანა მე-9 წუთზე პაბლო ბარიოსმა მოახერხა, 52-ზე კი ნიკო გონსალესმა როხიბლანკოს რიგებში თავი პირველად გამოიჩინა.

ორბურთიანი უპირატესობის შენარჩუნება ატლეტიკოსთვის პრობლემა არ აღმოჩნდა და გუნდმა ლა ლიგაში პირველი 3 ქულა მოიპოვა - აქამდე, 3 მატჩში გუნდს მხოლოდ 2 ქულა ჰქონდა აღებული.

მიქაუტაძემ მოედანზე 79 წუთი ჩაატარა, თუმცა კარში დარტყმის შესაძლებლობაც კი არ მისცემია. გამოცემა SofaScore-მ ქართველს ამ მატჩისთვის 6.5 შეფასება დაუწერა.