მიუნხენის ბაიერნის გერმანელი შემტევი ლეროი სანე კარიერას თურქულ გალათასარაიში გააგრძელებს.
ინფორმაციას ავტორიტეტული ჟურნალისტი ფაბრიციო რომანო იტყობინება.
სანეს სეზონის ბოლოს ბაიერნთან კონტრაქტი ამოეწურა და სტამბოლურ კლუბს ის თავისუფალი აგენტის სტატუსით შეუერთდება.
მხარეებს შორის 3-წლიანი კონტრაქტი გაფორმდება და სანეს წლიური ანაზღაურება თურქეთში 15 მილიონი ევრო იქნება.
უახლოეს პერიოდში სანე თურქეთში ჩაფრინდება, სამედიცინო შემოწმებას გაივლის და კლუბთან კონტრაქტს გააფორმებს.
