ლევანტემ მთავარი მწვრთნელი ხულიან კალერო გაათავისუფლა.
გუნდი ლა ლიგაში ბოლოსწინა, მე-19 ადგილს იკავებს და 14 მატჩში მხოლოდ 9 ქულა მოაგროვა.
ესპანელმა სპეციალისტმა კლუბი 2024 წლის ივნისში ჩაიბარა გუნდის ლა ლიგაში დაბრუნების მიზნით და თავისი ამოცანა პირველივე სეზონში წარმატებულად შეასრულა, როცა გიორგი ქოჩორაშვილის დახმარებით ლევანტე უმაღლეს დივიზიონში ამოიყვანა.
თუმცა, მიმდინარე სეზონში წარუმატებელი შედეგების გამო ხელმძღვანელობამ მისი გაშვების გადაწყვეტილება მიიღო.
"ხულიან - შენ ლევანტეს ისტორიის ნაწილი ხარ და ეს კლუბი სამუდამოდ შენი სახლი იქნება." - წერია ლევანტეს განცხადებაში.
