ლიკა ბურჯანაძე მსოფლიოს თასის ვიცე-ჩემპიონია!
ესპანეთში ჩატარებულ ლათინურ-ამერიკული ცეკვების პროგრამაში, უფროს მოცეკვავეებს შორის მსოფლიო თასის გათამაშებაზე ქართველმა სპორტსმენმა ლიკა ბურჯანაძემ გამოიჩინა თავი.
ინდივიდუალურ ასპარეზობაში მან ვიცე-ჩემპიონის ტიტული და ვერცხლის მედალი მოიპოვა.
ტურნირზე, სადაც 12 ქვეყნის წარმომადგენლები იბრძოდნენ, ქართველმა მოცეკვავემ კიდევ ერთხელ დაამტკიცა საკუთარი კლასი.
ამ წარმატების შედეგად, ბურჯანაძე 1096 ქულით მსოფლიოს სპორტული ცეკვების ფედერაციის (WDSF) რეიტინგში საპატიო პირველ ადგილს იკავებს.
