ლუის დიასმა ლივერპულიდან ბაიერნში გადასვლაზე ისაუბრა. კოლუმბიელმა ფორვარდმა განცხადება სანტიაგო ბერნაბეუზე გამართული ბრწყინვალე მატჩის შემდეგ გააკეთა, სადაც მან ანგარიში გახსნა და ბუნდესლიგის ლიდერებს რეალ მადრიდი წინააღმდეგ 2:1 გამარჯვება მოაპოვებინა.
75 მილიონად შეფასებულმა ფეხბურთელმა უდიდესი როლი ითამაშა ბაიერნის პირველ კონტინენტურ გამარჯვებაში მადრიდელების წინააღმდეგ 2012 წლის შემდეგ. ამ გოლით დიასის სტატისტიკა მიმდინარე სეზონში წარმოუდგენელ ნიშნულამდე - 41 საგოლე მოქმედებამდე გაიზარდა.
ალიანს არენაზე ცხოვრებასთან ადაპტაცია დიასს არ გასჭირვებია. მიმდინარე სეზონში მის ანგარიშზე უკვე 23 გოლი და 18 საგოლე გადაცემაა. ფეხბურთელი მიიჩნევს, რომ გერმანიაში გადასვლამ მისი კარიერა ახალ საფეხურზე აიყვანა. მან წარმატების მიზეზად ტაქტიკური სიცხადე და გუნდში არსებული მჭიდრო კავშირი დაასახელა.
ESPN-თან საუბრისას დიასმა აღნიშნა:
ბაიერნში გადასვლის გადაწყვეტილება სწორი არჩევანი იყო. ძალიან ბედნიერი ვარ და ყოველი მატჩით ვტკბები. თავს შესანიშნავად ვგრძნობ, კარგ ფორმაში ვარ და ეს ნიშნავს, რომ მზად ვარ გუნდს დავეხმარო. ჩვენ გვაქვს მკაფიო გეგმა, ვართ ძალიან შეკრული ჯგუფი და ეს მოედანზეც ჩანს.
