ლივერპულში ეკიტიკეს ხელფასი და კონტრაქტის პირობები გაირკვა

ცნობილი გახდა უგო ეკიტიკეს ლივერპულთან შეთანხმებული კონტრაქტის პირობები.

Sky Sport Deutschland-ის ჟურნალისტის, პატრიკ ბერგერის ინფორმაციით, მერსისაიდულ კლუბში 22 წლის ფეხბურთელის წლიური ანაზღაურება გადასახადების გადახდამდე 15-16 მილიონი ევრო იქნება.

ფრანგი ლივერპულთან 6-წლიან კონტრაქტს უახლოეს პერიოდში, სამედიცინო შემოწმების გავლის შემდეგ გააფორმებს.

ლივერპული აინტრახტს ეკიტიკეში 90 მილიონ ევროს გადაუხდის, რომელიც ბონუსებით შესაძლოა 95-მდე გაიზარდოს.

ბუნდესლიგის გასულ სეზონში ეკიტიკემ 33 მატჩში 15 გოლი და 8 საგოლე გადაცემა მიითვალა.