ლუკაკუმ გადამწყვეტი პენალტის დარტყმაზე უარი თქვა

ბელგიის ეროვნული ნაკრების თავდამსხმელმა, რომელუ ლუკაკუმ განმარტა, თუ რატომ დაუთმო თერთმეტმეტრიანის დარტყმის უფლება იური ტილემანსს სენეგალთან გამართულ დრამატულ მატჩში.

2026 წლის მსოფლიო ჩემპიონატის 1/16 ფინალში ბელგიამ მეტოქე დამატებით დროში 3:2 დაამარცხა. მიუხედავად იმისა, რომ ლუკაკუ ნაკრების ისტორიაში საუკეთესო ბომბარდირია, გადამწყვეტ მომენტში მან საკუთარი ფსიქოლოგიური დაღლილობა აღიარა და პასუხისმგებლობა თანაგუნდელს გადააბარა.

ნაპოლის 33 წლის ფორვარდისთვის გასული სეზონი კოშმარული გამოდგა, სადაც მან მთელი წლის განმავლობაში მხოლოდ 64 წუთი ითამაშა. ამ სათამაშო პრაქტიკის ნაკლებობამ მის თავდაჯერებულობაზეც იმოქმედა.

პენალტის დარტყმას ვაპირებდი, თუმცა მენტალურად რთულ პერიოდს გადივარ და ვარჩიე, ეს იურის გაეკეთებინა. აქ მთავარი მე არ ვარ, მთავარი გუნდის გამარჯვებაა

ბელგიის ნაკრები შეხვედრის მსვლელობისას 0:2-ს აგებდა, თუმცა 86-ე წუთზე ლუკაკუმ სხვაობა შეამცირა, სამ წუთში კი ტილემანსმა ანგარიში გაათანაბრა. დამატებით დროში ტილემანსის ზუსტმა პენალტმა ბელგია 1/8 ფინალში გაიყვანა, სადაც რუდი გარსიას გუნდი აშშ-ის ნაკრებს დაუპირისპირდება.