გიორგი მამარდაშვილის თქმით, ახალი სეზონის იჯარით გატარებას ის აღარ განიხილავს.
გასულ ზაფხულს ლივერპულმა ქართველი მეკარე ვალენსიადან 30 მილიონ ევროდ შეიძინა, თუმცა ღამურებში ერთწლიანი იჯარით დატოვა.
„კიდევ ერთ იჯარას არ განვიხილავ, შემდეგ სეზონს ლივერპულში გავატარებ.
ლივერპულში წავალ და ყველაფერს გავიღებ, ისევე, როგორც ამას ვალენსიაში ვაკეთებდი. თავდაუზოგავად ვიშრომებ ყოველდღიურად, ალისონთან ერთად ვარჯიში კი ძალიან დამეხმარება." - აღნიშნა მამარდამ Geo Team-თან საუბარში.
