Ligue1+ის ფილმში ხვიჩა კვარაცხელიამ დაცვაში თამაშზე, ბავშვობასა და მამამისზე ისაუბრა.
"მივხვდი, რომ თავდამსხმელს, რომელიც დაცვაში თამაშობს, თანამედროვე ფეხბურთში წარმატების უფრო დიდი შანსი აქვს. ყველა ჩემი ქმედება მოედანზე და მის მიღმა ყურადღებით კონტროლდება. უნდა ვიყო მაგალითი ქართველი ახალგაზრდებისთვის. ეს ჩემთვის დიდი პასუხისმგებლობაა.
როცა ჩემპიონთა ლიგა მოვიგე, მაშინვე ჩემს ქვეყანაზე გავიფიქრე, სადაც ყველაფერი დაიწყო.
ფეხბურთი მთელი ჩემი ცხოვრებაა. თამაში მაბედნიერებს. ბედნიერი ვარ, რომ ჩემი ოცნება ავიხდინე. ფეხბურთი ჩემთვის ყველაფერია. ბავშვობა ჩემთვის ძალიან ბევრს ნიშნავს - ის მთლიანად ფეხბურთთან იყო დაკავშირებული. მე ყოველთვის ვიცოდი, სად უნდა მეძებნა ჩემი მეზობლები - ისინი სტადიონზე იყვნენ.
როცა მამაჩემი თამაშობდა, ვიდეოები არ არსებობდა, მაგრამ დედაჩემს კასეტებზე მისი გოლების ჩანაწერები ჰქონდა. მათ სულ ვუყურებდი. ბავშვის თვალით, მამა ჩემთვის საუკეთესო იყო; მან ძალიან ბევრი მასწავლა.“
კომენტარი საქართველოს ეროვნული ნაკრების მთავარმა მწვრთნელმა, ვილი სანიოლმაც გააკეთა.
„როცა ის მოედანზეა, იქ არის სათამაშოდ, შედეგის საჩვენებლად. არა ინსტაგრამის ფოტოებისთვის. ეს ძალიან კარგია; თითქოს სხვა ეპოქის ფეხბურთელს უყურებ.“
