მსოფლიო ჩემპიონატზე ჯგუფური ეტაპის მე-2 ტურის მეორე სათამაშო დღეა.
აშშ - ავსტრალია [23:00]
ერთმანეთს D ჯგუფის ლიდერები დაუპირისპირდებიან, რომელთა შორის გამარჯვებულიც პლეი-ოფში ადგილს ოფიციალურად გაინაღდებს. პირველ ტურში აშშ-მ საოცარი შთაბეჭდილება დატოვა და პარაგვაი 4:1 უშანსოდ გაანადგურა, ავსტრალიამ კი სენსაცია მოახდინა და ფავორიტ თურქეთს აჯობა (2:0).
სავარაუდო შემადგენლობები
აშშ: რისი; ფრიმენი, რიჩარდსი, რიმი, რობინსონი; ადამსი, ტილმანი; დესტი, მაკკენი, რეინა; ბალოგუნი
ავსტრალიის: ბიჩი; იტალიანო, ჩირკატი, სუტარი, ბერჯესი, ბოსი; მეტკალფი, ონილი, ოკონ-ენგსტლერი, ირანკუნდა; ტურე
შოტლანდია - მაროკო [02:00]
პირველ ტურში შოტლანდიამ თავისი გასაკეთებელი გააკეთა და ჯგუფის აუთსაიდერი ჰაიტი დაამარცხა, რითაც, მაროკო-ბრაზილიის მატჩში დაფიქსირებული ფრის წყალობით, პირველი ტურის შემდეგ შემდეგ ჯგუფის ლიდერიც გახდა. თუმცა, დღევანდელ მატჩში ფავორიტი მაროკოა, რომელიც ჯგუფიდან გასვლის მეორე ფავორიტადაც მიიჩნევა და ამიტომ, ქულების აღება სასიცოცხლოდ ესაჭიროება.
შოტლანდია: განი; ჰიკი, ჰენლი, ჰენდრი, რობერტსონი; ფერგიუსონი, მაკგინი; განონ-დოუკი, მაკტომინეი, კრისტი; ადამსი
მაროკო: ბონო; ჰაკიმი, დიოპი, რიადი, მაზრაუი; აინაუი, ბუადი; დიასი, უნაჰი, ელ-ხანუსი; საიბარი.
ბრაზილია - ჰაიტი [04:30]
პირველმა მატჩმა ბრაზილიის ნაკრების ქომაგების დიდი იმედგაცრუება გამოიწვია - მართალია, ჯგუფის ორი მთავარი ფავორიტი ხვდებოდა ერთმანეთს და მსგავსი შინაარსის თამაში მეტნაკლებად მოსალოდნელი იყო, თუმცა ბრაზილიის ნაკრებისგან ყოველთვის მეტს ელოდები და ვინისიუსის ლამაზი, გამათანარბებელი გოლის გარდა, გააზრებული სამხრეთამერიკელებისგან ბევრი ვერც ვერაფერი ვნახეთ. ამიტომ, დღეს კარლო ანჩელოტის გუნდი უნდა რეაბილიტირდეს და თავის ქომაგს ცოტათი ჩამქრალი იმედის ნაპერწკალი დაუბრუნოს.
სავარაუდო შემადგენლობები
ბრაზილია: ალისონი; დანილო, მარკინიოსი, გაბრიელი, ალექს სანდრო; ფაბინიო, ბრუნო გიმარაეში; ლუის ენრიკე, რაფინია, ვინისიუს ჟუნიორი; მათეუს კუნია
ჰაიტი: პლასიდი; არკუსი, დელკრუა, ადე, ექსპერიენსი; ჟანი, ბელგარდი; დიდსონი, კაზიმირი, პრუნიე; ისიდორი.
თურქეთი - პარაგვაი [07:00]
პირველ ტურში ჯგუფის ერთ-ერთმა ფავორიტმა თურქეთმა გულშემატკივარს იმედები გაუცრუვა, ამიტომ პარაგვაისთან, რომელსაც მასპინძელმა აშშ-მ უბრალოდ გადაუარა, ნაკრებს რეაბილიტაციის საშუალება ექნება. თავის მხრივ, პარაგვაისთვის ეს კიდევ ერთი შანსია, აუთსაიდერის როლში შეძლოს და ქულები დააგროვოს, რითაც შემდეგ მინიმუმ მე-3 ადგილით ჯგუფიდან გასვლის პრეტენზია მაინც ექნება.
ამ მატჩში დამარცხებული, დიდი ალბათობით, ფარხმალს საბოლოოდ დაყრის და მე-4 ადგილზე გასვლის კანდიდატი გახდება.
სავარაუდო შემადგენლობები
თურქეთი: უგურჯან ჩაქირი; მერტ მულდური, აბდულქერიმ ბარდაქჯი, მერიჰ დემირალი, ფერდი ქადიოღლუ; ჰაკან ჩალჰანოღლუ, ისმაილ იუქსექი; იუნუს აქგუნი, არდა გიულერი, ქენან ილდიზი; ქერემ აქთურქოღლუ
პარაგვაი: ორლანდო ხილი; ხუან ხოსე კასერესი, ომარ ალდერეტე, გუსტავო გომესი, ჯუნიორ ალონსო; დიეგო გომესი, ანდრეს კუბასი, მატიას გალარზა, მიგელ ალმირონი; ისიდრო პიტა, ხულიო ენსისო.
