საქართველოს 19-წლამდელთა ნაკრები, ევროპის ჩემპიონატის შესარჩევ ეტაპზე, გადამწყვეტ შეხვედრას დღეს გამართავს.
ზურაბ ხიზანიშვილის გუნდი ხვდება ისლანდიას, რომელმაც მონტენეგროს ნაკრებთან 1:1 ითამაშა - ამავე ანგარიშით დასრულდა ჩვენი და მონტენეგროელების მატჩიც. შესაბამისად, 3-გუნდიანი ჯგუფის პირველადგილოსანი სწორედ დღევანდელი თამაშით გაირკვევა.
მონტენეგროსთან მატჩისგან განსხვავებით, დღეს ჩვენს გუნდში ითამაშებს 17 წლის საბა ხარებაშვილი, რომელიც ეროვნული ნაკრების შეკრებაზე იმყოფებოდა და ბაჰრეინთან 45 წუთით მოედანზეც შეიყვანეს.
ცნობისთვის, ევრო 2027-ის შესარჩევი ეტაპი 3-რაუნდიანია - ახლა პირველი რაუნდი მიმდინარეობს და თუკი საქართველო ჯგუფში პირველ ადგილს დაიკავებს, მეორე რაუნდში A ლიგაში ითამაშებს, რაც ნიშნავს, რომ მესამე რაუნდში გასასვლელად 4-გუნდიან ჯგუფში პირველ, მეორე ან მესამე ადგილზე გასვლაც ეყოფა, ხოლო იმ შემთხვევაში თუ ამჟამინდელ ჯგუფში პირველი ადგილი ვერ დაიკავა, საკვალიფიკაციოს მეორე რაუნდში კვლავ B ლიგაში იქნება და მესამე რაუნდში გასასვლელად აუცილებლად ჯგუფის მოგება დასჭირდება.
საქართველოსა და ისლანდიის 19-წლამდელთა ნაკრებთა შეხვედრა დავით პეტრიაშვილის სახელობის სტადიონზე, 19:00 საათიდან დაიწყება. პირდაპირი რეპორტაჟი სფფ-ის იუთუბ არხზეა.
ფრე მონტენეგროსთან - 19-წლამდელებმა ევროს შესარჩევი ქულით დაიწყეს
