ფრე მონტენეგროსთან - 19-წლამდელებმა ევროს შესარჩევი ქულით დაიწყეს

საქართველოს 19-წლამდელთა ნაკრებმა, ევროპის ჩემპიონატის შესარჩევი ეტაპის პირველი ტურის მატჩში, მონტენეგროსთან 1:1 ითამაშა.

22-ე წუთზე, დაჩი ჩოჩოშვილმა პეტარ რაზნატოვიჩს პენალტი აუღო და ტაიმი 0:0 დასრულდა. 56-ე წუთზე, ანდრია ბართიშვილმა თავისივე მოპოვებული პენალტი პანენკათი გაიტანა, რასაც მონტენეგროელებმა ორ წუთში უპასუხეს - ანდრიია ვუკოიემ შეაგდო.

საქართველო: ჩოჩოშვილი - მარსაგიშვილი, ნიჟარაძე, ლომიძე (კაპ.), კუპრავა - ციკოლია (დიაკონიძე; 93), შალიკიანი, ბართიშვილი (ნებულიშვილი; 64) - ბარიხაშვილი (კაკაშვილი; 60), ჩხეტიანი, მიქაუტაძე (ავდოევი; 93).

ახალი ფორმატის მიხედვით, საკვალიფიკაციო ეტაპი 3-რაუნდიანი გახდა და A და B ლიგებად დაიყო. ფინალურ ეტაპზე, მესამე რაუნდში, ჯგუფის გამარჯვებული 7 გუნდი მოხვდება, რომლებსაც მერვე გუნდად, მასპინძელი ქვეყანა დაემატებათ.

6 ივნისს მონტენეგრო და ისლანდია ითამაშებენ, 9 რიცხვში კი ჩვენი გუნდი უკვე ისლანდიას დაუპირისპირდება. ორივე ეს მატჩი დავით პეტრიაშვილის სახელობის სტადიონზეა.

ფოტო: NAKREBI.GE