VIDEO: დომინანტური გამარჯვება - ბარსამ მურსიას მოედნის უპირატესობა აართვა

თორნიკე შენგელიას ბარსელონამ ლიგა ენდესას პლეი-ოფი წარმატებული მატჩით გახსნა - მურსია სტუმრად დიდი სხვაობით დაამარცხეს და მოედნის უპირატესობაც აართვეს.

თანაბარი პირველი მეოთხედის შემდეგ, კატალონიელებმა მეორე პერიოდი 14-ქულიანი სხვაობით მოიგეს და დიდ შესვენებაზე 16-ქულიანი უპირატესობით გავიდნენ, რაც გადამწყვეტი აღმოჩნდა და 91:68 გაიმარჯვეს.

შენგელიამ 16:37 წუთი ითამაშა და 5-დან 2 ბურთი ჩააგდო - 5 ქულა, 3 მოხსნა, 1 ასისტი. მისი ეფექტიანობის ინდექსი 6 იყო.

ბარსა სერიაში 1:0 დაწინაურდა, მოედნის უპირატესობაც მიიღო და შემდეგ თამაშს უკვე შინ გამართავს - 4 ივნისის 21:00 საათზე.