საქართველოს ეროვნული გუნდი ივნისის მეორე ამხანაგურ შეხვედრას დღეს, ბაჰრეინის ნაკრების წინააღმდეგ გამართავს.
როგორც ვილი სანიოლმა მატჩისწინა პრესკონფერენციაზე აღნიშნა, ჩვენი გუნდის კარს ლუკა გუგეშაშვილი დაიცავს, ძირითად შემადგენლობაში იქნება ხვიჩა კვარაცხელიაც, რომელიც ნაკრებს, ჩემპიონთა ლიგის ფინალში მონაწილეობის გამო, დაგვიანებით შეუერთდა.
ვიცით, რომ ნაკრებს, გიორგი მიქაუტაძისა და ზურიკო დავითაშვილის გარდა, რუმინეთთან თამაშისას დაშავებული გიორგი ჩაკვეტაძეც ვერ დაეხმარება.
საქართველოს ნაკრები ბაჰრეინს ისტორიაში პირველად შეხვდება. ჯვაროსნები ფიფა-ს რეიტინგის 72-ე პოზიციაზე არიან, ბაჰრეინი 91-ეა.
საქართველოსა და ბაჰრეინის ნაკრებების მატჩი მიხეილ მესხის სახელობის სტადიონზე, 20:00 საათიდან დაიწყება. პირდაპირი რეპორტაჟი პირველ არხზეა.
