მბაპე: „რომელია ფეხბურთში ყველაზე მარტივი პოზიცია?"

მადრიდის რეალის ვარსკვლავმა, კილიან მბაპემ, ფეხბურთში სხვადასხვა პოზიციების სირთულეზე ისაუბრა.

ფრანგი თავდამსხმელის აზრით, მოედანზე ყველაზე ნაკლებად რთული ცენტრალური მცველის პოზიციაა.

„რომელი პოზიციაა ყველაზე მარტივი ფეხბურთში? ჩემი აზრით — ცენტრალური მცველის. იქ ყველა მხრიდან დაზღვეული ხარ, შეგიძლია სამმცველიან სქემაშიც კი ითამაშო.

ეს ერთადერთი პოზიციაა, სადაც ნახავთ 40 წლის ბიჭებს, რომლებიც ჯერ კიდევ ევროპაში, ტოპ კლუბებში თამაშობენ.

თავდამსხმელი კი 40 წლის ასაკში უკვე დამთავრებულია.“ —აღნიშნა ფრანგმა.