აკაკი ბასარიასა და ლუკა ჩხიკვაძის შემდეგ, ჩეხეთში მიმდინარე კრივის 19-წლამდე ევროპის ჩემპიონატზე, ფინალის საგზური ელნურ აბდულაევმა მოიპოვა.
75 კგ. წონით კატეგორიაში, ქართველმა მოკრივემ გერმანელი მარკო ნედელიკოვიჩი დაამარცხა და კონტინენტურ ტურნირზე ოქროს მედლის მოგებამდე ერთი ბრძოლაღა აშორებს.
აბდულაევის შემდეგ, დღესვე, ფინალში გასასვლელად კიდევ 2 ქართველი იბრძოლებს - დავით მხეცაძე (80 კგ.) და ზუკა ჭოჭუა (65 კგ.).
ჩეხეთის ქალაქ ოსტრავაში მიმდინარე შეჯიბრება ხვალ, 9 ოქტომბერს ფინალური ბრძოლებით დასრულდება.
ფოტო: საქართველოს კრივის ეროვნული ფედერაცია
