"მექვაბიშვილს ხეტაფესთან გავუწიე რეკომენდაცია" - კიდევ ერთი ქართველი ლა ლიგაში?

ვეტერანმა რუმინელმა ფეხბურთელმა, გეორგე კრაიოვეანუმ, ანრი მექვაბიშვილის შესახებ, ტელეკომპანია Digi Sport-ის ეთერში ისაუბრა.

"ვფიქრობ, ანზორი ფანტასტიკური ფეხბურთელია - ძალიან ტაქტიკური, თამაშს კარგად უძღვება, კარგია ბურთის დაბრუნებისას, კარგად ურტყამს, კარგად ასრულებს სტანდარტულ მდგომარეობებს. ძალიან მრავალმხრივია. ხეტაფეს წარმომადგენლებთან მას რეკომენდაცია გავუწიე ისევე, როგორც ჩიკალდაუს, ბაიარამსა და კრეცუს", - აღნიშნა კრაიოვეანუმ, რომელიც ხეტაფეს რიგებში 2002-06 წლებში თამაშობდა და კარიერა იქ დაასრულა.

ანრი მექვაბიშვილმა, კრაიოვასთან ერთად, რუმინეთის თასი მოიგო - მისი გუნდი ჩემპიონატშიც პირველ ადგილზეა და ტიტულამდე 2 ტური აშორებს. 

მექვაბას მიმდინარე სეზონში, ყველა ტურნირის ეგიდით, 49 მატჩში აქვს მონაწილეობა მიღებული და 12 საგოლე მოქმედება შეასრულა - 3 გოლი, 9 ასისტი. Transfermarkt-ზე მისი ფასი 1.5 მლნ ევროა.

VIDEO: პირველი უცხოური ტიტული - მექვაბიშვილი რუმინეთის თასის გამარჯვებულია