VIDEO: ზედიზედ მე-3 მარცხი - ტენერიფეს პლეი-ოფში გასვლა კითხვის ნიშნის ქვეშ დგება
2 სთ წინ · 0 წთ წასაკითხად
-
Aa
+
ფონტის ზომა
გიორგი შერმადინის ლაგუნა ტენერიფემ ესპანეთის ლიგა ენდესაში ზედიზედ მე-3 მატჩი წააგო - ერთ-ერთ აუტსაიდერ გრან კანარიასთან სტუმრად 19-ქულიანი სხვაობით (83:102) დამარცხდნენ.
ვეტერანმა ქართველმა ცენტრმა მოედანზე 20:52 წუთი გაატარა - 8-დან 6 ორქულიანი და 3-დან 3 საჯარიმო ჩააგდო. შედეგად, 15 ქულასთან ერთად, 5 მოხსნა და 1 ასისტიც ჩაიწერა აქტივში. მისმა ეფექტიანობის ინდექსმა 19 შეადგინა, რაც მის გუნდში მე-2 შედეგია - ტიმ აბრომაიტისს 21 ჰქონდა.
კანარიელებმა ცხრილში მდგომარეობა საგრძნობლად გაირთულეს და პლეი-ოფში გასვლა კითხვის ნიშნის ქვეშაა - გუნდი მე-7 ადგილს ინარჩუნებს, თუმცა მე-9 ადგილოსან უნიკახა მალაგასთან სხვაობა 1 მოგებაა, ბოლო 4 ტურის კალენდარი კი საკმაოდ რთულია - ბარსელონა, ხოვენტუტ ბადალონა, გრანადა და ბილბაო.
17 მაისს ლიგა ენდესაში ვეტერან ქართველთა ჯახია - შერმოს ტენერიფე თოკო შენგელიას ბარსელონას მასპინძლობს.
