მესი: „ეს გუნდი არასდროს არ ნებდება"

არგენტინის ეროვნული ნაკრების კაპიტანმა, ლიონელ მესიმ მსოფლიო ჩემპიონატის 1/8 ფინალში ეგვიპტესთან მოპოვებული დრამატული გამარჯვება (3:2) შეაჯამა, სადაც სამხრეთამერიკელები მატჩის მსვლელობისას 0:2-ს აგებდნენ:

„მართალი გითხრათ, ძალიან ბედნიერი ვარ შემდეგ ეტაპზე გასვლით, განსაკუთრებით იმის გათვალისწინებით, თუ როგორ მივაღწიეთ ამას. 0:2-ზე მართლაც რთული იყო. თამაშის შემოტრიალება საოცარი გამოდგა. კიდევ ერთხელ დავინახეთ, რომ ეს მსოფლიო ჩემპიონატია - აქ იოლი მატჩები არ არსებობს და ყველა შეხვედრა თანაბარ ბრძოლაში მიმდინარეობს.

მატჩის სცენარიდან გამომდინარე, ეს ყველასთვის დიდი შვება იყო. ადვილი არ არის 0:2-დან თამაშის გადარჩენა... მაგრამ, როგორც ყოველთვის ვამბობ, ეს გუნდი არასოდეს ნებდება და ბოლომდე იბრძვის.

გაგვიმართლა, რომ კრისტიან რომერომ გოლი დროულად გაიტანა, რამაც ძირითად დროშივე მატჩის შემოსატრიალებლად საკმარისი დრო დაგვიტოვა. ის, რაც ამ გუნდმა დღეს მოედანზე გააკეთა, უბრალოდ წარმოუდგენელია.

ძალიან მიხარია, რომ ხალხს ჩვენი თამაშით სიამოვნების მიღება ისევ შეუძლია და იმედი მაქვს, ასე გავაგრძელებთ“, - განაცხადა მესიმ.