ლეო მესიმ უგოლოდ მოედანი კვლავ არ დატოვა.
მსოფლიო ჩემპიონატის 1/8 ფინალში 39 წლის ლეგენდამ ეგვიპტესთან თავის გუნდს მატჩი 0:2-დან გოლითა და საგოლე პასით მოაგებინა.
ეს არგენტინელისთვის მიმდინარე მუნდიალზე მე-8 გატანილი გოლია და მან კილიან მბაპესა და ერლინგ ჰალანდს (7) კვლავ გადაუსწრო.
გარდა ამისა, ეგვიპტის კარში გატანილი გოლი მესის პირადი რეკორდიცაა - აქამდე მისი საუკეთესო შედეგი ერთ კონკრეტულ მუნდიალზე 7 გოლი იყო, რომელიც მან წინა, 2022 წლის მსოფლიო პირველობაზე შეაგდო და მხოლოდ კილიან მბაპეს (8) ჩამორჩა.
როგორც ხედავთ, ჯერ მხოლოდ 1/8 ფინალური ეტაპი მიმდინარეობს, მესიმ კი უკვე გაიტანა იმდენივე, რამდენიც წინა მუნდიალის საუკეთესო ბომბარდირმა.
აქვე იმასაც გეტყვით, რომ ეს ლეოს 21-ე გოლი იყო მსოფლიო ჩემპიონატებზე და მან პირველი ადგილი კიდევ უფრო განიმტკიცა. მეორეზე მბაპეა 19 გოლით.
