მეტოქე გაირკვა - ვის შეხვდება ნიკოლოზ ბასილაშვილი ფინალში?

დანიილ მედვედევი ალმათის ტურნირის ფინალში ზედიზედ მეორედ ითამაშებს.

ტურნირის მოქმედ ჩემპიონსა და 2026 წლის გათამაშების პირველ ნომრად განთესილ ჩოგბურთელს ალექსანდრ ბუბლიკთან ნახევარფინალურ შეხვედრაში დიდი ძალისხმევის დახარჯვა არ დასჭირვებია.

ყაზახმა ჩოგბურთელმა, რომელმაც წინა დღეს კარენ ხაჩანოვთან დრამატული გამარჯვება მოიპოვა, პირველი სეტის წაგების შემდეგ (3:6) ტრავმის გამო შეხვედრის გაგრძელება ვეღარ შეძლო.

ბუბლიკს იმედი ჰქონდა, რომ ალმათის ტურნირის ისტორიაში პირველი ყაზახი ჩემპიონი გახდებოდა, თუმცა ამ მიზნის მისაღწევად ბრძოლა კიდევ 1 წლით გადადო.

დანიილ მედვედევი ხვალ ტიტულის დაცვას ნიკოლოზ ბასილაშვილის წინააღმდეგ შეეცდება, რომელიც ფინალის მოულოდნელი მონაწილე გახდა.

ქართველი ჩოგბურთელი, რომელიც წარსულში ინდიან-უელსის ტურნირის ფინალისტი იყო, კვლავ ყურადღების ცენტრში მოექცა. ბასილაშვილმა ნახევარფინალში სტეფანოს ციციპასი დაამარცხა.

ქართველი და რუსი აქამდე მხოლოდ ერთხელ შეხვდნენ ერთმანეთს. 2022 წლის ვენის ტურნირზე მედვედევმა ორ სეტში იმარჯვა.

ფინალური მატჩი 25 ოქტომბერს 14:00 საათზე დაიწყება.

2022 წლის შემდეგ პირველად - ბასილაშვილი ფინალშია!