კარლოს ალკარასის მამამ, კარლოს ალკარას გონსალესმა ერთი წინადადებით უპასუხა ხუან კარლოს ფერეროს, რომელმაც ინტერვიუში 7-წლიანი საქმიანი ურთიერთობის დასრულების გარემოებებზე ილაპარაკა.
"ყველა თავისუფალია, რომ გამოთქვას საკუთარი აზრი იმაზე დაყრდნობით, რაც თავად იცის", - ალკარას გონსალესის ამ სიტყვებს Mundo Deportivo აქვეყნებს.
ფერერო ალკარასს მისი პროფესიონალური კარიერის დასაწყისიდან, 15 წლიდან წვრთნიდა - კარლიტოსმა 24 ტიტული მოიგო, მათ შორის დიდი სლემის 6 ტურნირი (როლან გაროსი, უიმბლდონი და ამერიკის ღია პირველობა - ყველა მათგანი 2-2-ჯერ).
ცნობისთვის, ATP-მ ხუან კარლოს ფერერო 2025 წლის საუკეთესო მწვრთნელად დაასახელა.
