უეფას ჩემპიონთა ლიგის პლეიოფის მატჩის შემდეგ, ბენფიკას მთავარმა მწვრთნელმა, ჟოზე მოურინიომ, ვინისიუს ჟუნიორისა და ჯანლუკა პრესტიანის ინციდენტთან დაკავშირებით ისაუბრა.
„როცა ეს ამდენ სტადიონზე ხდება, ყოველთვის ერთსა და იმავე ადამიანთან, რაღაც არასწორია. ვინის ვუთხარი: საოცარი გოლი გაიტანე, რატომ იზეიმე ასე? რატომ არ შეგიძლია გოლის აღნიშვნა უბრალოდ იმ სიხარულით, რომ დიდი ფეხბურთელი ხარ?
ის წარმოუდგენელი ფეხბურთელია, მე ის მიყვარს, მაგრამ როცა ასეთ გოლს გაიტან, აღნიშნე თანაგუნდელებთან ერთად. ვინის ვუთხარი, რომ ზეიმი სხვანაირი უნდა ყოფილიყო. ამ კლუბის ლეგენდა ეუსებიოა, შავკანიანი ფეხბურთელი…
…ბენფიკა არ არის რასისტული კლუბი.
ჩემი გაძევება ვინიიუსის მეორე ყვითელ ბარათს არ ეხებოდა… არა. მე გამაძევეს იმიტომ, რომ ძალიან ნათლად ვთქვი რაღაც.
მსაჯს ჰქონდა ჩანაწერი, სადაც ძირითადად ეწერა: ‘ჩუამენი, კარერასი და ჰუისენი ყვითელ ბარათს ვერ მიიღებენ!’… რადგან ისინი გამოტოვებდნენ საპასუხო მატჩს. ვუთხარი, რომ 1,400 მატჩი მაქვს ტექნიკურ ზონაში გატარებული და მან ზუსტად იცოდა, ვისი გაფრთხილება შეეძლო… და ვისი - არა.
„ბოლოს მან გააფრთხილა ის, ვისაც ყველა ხედავდა… ჩვენ ვიცით, როგორ მუშაობს ეს ყველაფერი!“ - განაცხადა პორტუგალიელმა სპეციალისტმა.
VIDEO: ვინისიუსის საოცარი გოლით მოგებული მატჩი — რეალი მადრიდში მინიმალური უპირატესობით ბრუნდება
