მოურინიომ რეალის კაპიტანი აარჩია

მადრიდის რეალის ახალმა მთავარმა მწვრთნელმა, ჟოზე მოურინიომ, საბოლოოდ დაადასტურა თავისი პოზიცია გუნდის კაპიტნის საკითხთან დაკავშირებით.

მიუხედავად იმისა, რომ ბოლო პერიოდში ფედერიკო ვალვერდეს ლიდერული თვისებები სერიოზული კრიტიკის ქვეშ იყო, მოურინიო არ აპირებს 27 წლის ურუგვაელი ნახევარმცველისთვის კაპიტნის სამკლაურის ჩამორთმევას.

ეს გადაწყვეტილება მით უფრო მნიშვნელოვანია, თუ გავითვალისწინებთ ვალვერდესა და თანაგუნდელ აურელიენ ჩუამენის შორის მომხდარ ფიზიკურ დაპირისპირებას, რომელიც ვალვერდეს ჰოსპიტალიზაციით დასრულდა.

აღნიშნულმა ინციდენტმა მედიასა და გულშემატკივრებში გააჩინა ვარაუდები, რომ კლუბი ვალვერდეს გაყიდვას ან, სულ მცირე, კაპიტნობის ჩამორთმევას განიხილავდა, თუმცა არსებული ინფორმაციით, მოურინიოს სრულიად განსხვავებული ხედვა აქვს.

პორტუგალიელი სპეციალისტისთვის ვალვერდე კვლავ რჩება რეალის პროექტის ერთ-ერთ მთავარ, საკვანძო ფიგურად.