„მსაჯებს ნებისმიერ დროს შეუძლიათ ნებისმიერი გუნდის ტურნირიდან გაგდება“, - ტუხელი

გერმანელმა მწვრთნელმა მუნდიალის მსაჯობა გააკრიტიკა.

ინგლისის ეროვნული ნაკრების მთავარმა მწვრთნელმა, თომას ტუხელმა 2026 წლის მსოფლიო ჩემპიონატზე მსაჯების მუშაობა გააკრიტიკა და აღნიშნა, რომ არბიტრების გადაწყვეტილებები ზედმეტად არაპროგნოზირებადი გახდა:

„მსაჯებს შეუძლიათ ნებისმიერი გუნდი ნებისმიერ მომენტში გამოაგდონ ტურნირიდან. ამაში კარგი არაფერია. მატჩებში ყველაფერი ზედმეტად არაპროგნოზირებადი და არასანდოა. ახლა უკვე ორი მეოთხე არბიტრი გვყავს, რომლებიც უბრალოდ გიყვირიან, თუ ტექნიკური ზონიდან ერთი ფეხით მაინც გამოხვალ. ეს არ ვარგა.

ფეხბურთელები მოედანზე ყველაფერს დებენ, ძალებს არ ზოგავენ, შემდეგ კი გადაწყვეტილებები საეჭვო ფორმით იცვლება. საქმე მხოლოდ არბიტრების დიდ და მნიშვნელოვან გადაწყვეტილებებს კი არ ეხება, არამედ წვრილმან ეპიზოდებსა და მათ თანმიმდევრულობას.

მოედანზე ყოფნისას თავი ისე გრძნობ, როგორც ღია ზღვაში - არასოდეს იცი, რა მოხდება“, - განაცხადა ტუხელმა.