რონალდო: „ყველაფერი, რაც პრესაში ჩემზე დაიწერა - ტყუილია"

ფენომენო პრესას ფეიქ ნიუსში ადანაშაულებს.

ბრაზილიის ეროვნული ნაკრების ლეგენდარულმა ყოფილმა ფორვარდმა, რონალდომ სოციალურ ქსელში განცხადება გაავრცელა და უარყო მედიაში გავრცელებული ციტატები, სადაც ის მსოფლიო ჩემპიონატის 1/8 ფინალში ნორვეგიასთან მარცხის (1:2) შემდეგ ნაკრებს აკრიტიკებდა.

მანამდე პრესაში გავრცელდა ინფორმაცია, თითქოს ფენომენმა მატჩის შემდეგ განაცხადა, რომ ანჩელოტიმ ზედმეტად ბევრი შეცდომა,  ვინისიუსმა კი ჩააგდო ტურნირი მაშინ, როცა გუნდს ყველაზე მეტად სჭირდებოდა.

ლეგენდარულმა ფეხბურთელმა ამ ჭორებს მოკლე პასუხით წერტილი დაუსვა:

„მოგესალმებით ყველას! მინდა განვმარტო, რომ ბრაზილიის მატჩის შემდეგ არანაირი ინტერვიუ არ მიმიცია და არცერთ მედიასთან არ მილაპარაკია.

ყველა განცხადება, რომელიც პრესაში ჩემი სახელით ვრცელდება, ტყუილი", - დაწერა რონალდომ.