მსოფლიო ჩემპიონატი ევროპის გარეშე: რა მოხდებოდა?

მსოფლიო ფეხბურთის მმართველ ორგანოებს შორის დაძაბულობა პიკს აღწევს.

ამჟამად უეფასა და ფიფას შორის საუკეთესო ურთიერთობა არ არის, რადგან ამ უკანასკნელს მსოფლიო ჩემპიონატის ნაწილის კომპანიისთვის მიყიდვა სურს ტურნირის კომერციალიზაციის მიზნით. ამ მიზეზით, ევროპული ორგანიზაცია განიხილავს ბოიკოტი გამოუცხადოს ტურნირებს, თუ ჯანი ინფანტინოს ხელმძღვანელობით მოქმედი კორპორაცია თავის გეგმას განახორციელებს

ამ ფონზე, სუპერკომპიუტერმა 2030 წლის მსოფლიო ჩემპიონატის 100 000 სიმულაცია ჩაატარა იმ სცენარით, სადაც ევროპული გუნდები ტურნირს ბოიკოტს უცხადებენ. ალბათობის მოდელის პროგნოზით, ჩემპიონი კვლავ არგენტინა გახდება, რომელიც ფინალში ბრაზილიას დაამარცხებს. ალბისელესტეს თასის მოგების 28-პროცენტიანი შანსი აქვს, ხოლო ბრაზილიას 26-პროცენტიანი.

ვინაიდან ევროპული ნაკრებები მონაწილეობას არ მიიღებენ, 64-გუნდიან ფორმატში უამრავი თავისუფალი ადგილი გაჩნდება. შესაბამისად, მუნდიალზე დებიუტი ექნებათ ისეთ ქვეყნებს, როგორებიცაა გვატემალა, ბაჰრეინი, უგანდა, ტაილანდი, ვიეტნამი, მოზამბიკი და მადაგასკარი. გარდა ამისა, სუპერკომპიუტერის გამოთვლებით, ნიგერია ისტორიაში მეორე აფრიკული გუნდი გახდება, რომელიც მსოფლიო ჩემპიონატის ნახევარფინალში გავა.