მსოფლიო ჩემპიონატის წილისყრა - ფორმატი და კალათები

დღეს ფიფას მსოფლიო ჩემპიონატის წილისყრა 2026 წელს გასამართი ტურნირის ჯგუფებსა და ბადეს გამოავლენს.

12 ჯგუფი ოთხი კალათიდან ჩამოყალიბდება, რომლებიც მსოფლიო რეიტინგს დაეყრდნობა. აშშ, მექსიკა და კანადა – ტურნირის მასპინძლები – ავტომატურად მოთავსდნენ პირველ კალათაში, რაც თეორიულად მათ ჯგუფური ეტაპიდან გასვლას უმარტივებს.

გარდა ამისა, ტოპ ოთხეული – ესპანეთი, არგენტინა, საფრანგეთი და ინგლისი – ისე იქნებიან განთესილები, რომ ნახევარფინალამდე ერთმანეთს ვერ შეხვდნენ.

მსოფლიო ჩემპიონატი 11 ივნისს დაიწყება, ხოლო ფინალი 19 ივლისს East Rutherford-ში, ნიუ ჯერსიში, MetLife Stadium-ზე გაიმართება

როგორ მუშაობს მსოფლიო ჩემპიონატის წილისყრა? – ფორმატი

წილისყრის წინ, 48 გუნდი – საიდანაც 42 უკვე ცნობილია – ნაწილდება ოთხ კალათად (თითოეულში 12 გუნდი) ნოემბრის FIFA-ს მსოფლიო რეიტინგის მიხედვით. ბოლო ექვსი ქვეყანა ავტომატურად ხვდება მეოთხე კალათაში, მნიშვნელობა არ აქვს ვინ მოახერხებს გასვლას.

როგორც მასპინძლები, აშშ, კანადა და მექსიკა პირველ კალათაში‌ არიან ტურნირის რეიტინგით საუკეთესო ცხრა გუნდთან ერთად.

ევროპის გარდა (რომელსაც 16 ადგილი აქვს), არცერთ კონფედერაციას შეუძლია ჯგუფში ერთზე მეტი წარმომადგენელი ჰყავდეს.

FIFA-მ 2026 წლის წილისყრის ფორმატი შეცვალა, რათა რეიტინგის ტოპ ოთხი გუნდი – ესპანეთი, არგენტინა, საფრანგეთი და ინგლისი – ისე განითესონ, რომ თითოეულს საკუთარი „ბილიკი“ ჰქონდეს ნახევარფინალამდე.

ეს ნიშნავს, რომ თუ ესპანეთმა და არგენტინამ თავიანთი ჯგუფები მოიგეს, მსოფლიოში №1 და №2 გუნდები ფინალამდე ერთმანეთს ვერ შეხვდებიან.

I კალათა: კანადა, მექსიკა, აშშ, ესპანეთი, არგენტინა, საფრანგეთი, ინგლისი, ბრაზილია, პორტუგალია, ნიდერლანდები, ბელგია, გერმანია;

II კალათა: ხორვატია, მაროკო, კოლუმბია, ურუგვაი, შვეიცარია, იაპონია, სენეგალი, ირანი, სამხრეთ კორეა, ეკვადორი, ავსტრია, ავსტრალია;

III კალათა: ნორვეგია, პანამა, ეგვიპტე, ალჟირი, შოტლანდია, პარაგვაი, ტუნისი, კოტ დ'ივუარი, უზბეკეთი, კატარი, საუდის არაბეთი, სამხრეთ აფრიკა;

IV კალათა: იორდანია, კაბო ვერდე, განა, კურასაო, ჰაიტი, ახალი ზელანდია, ევროპის პლეი-ოფის A, B, C და D გზის გამარჯვებულები, ფიფა-ს პლეი-ოფის A და B გზის გამარჯვებულები.

წილისყრის მეორე დღეს, 6 დეკემბერს, ჯგუფური ეტაპის კალენდარი, მატჩების მასპინძელი სტადიონები და დაწყების დროები გვეცოდინება.

წილისყრა დღეს 21:00 საათზე დაიწყება.