ნაპოლი სანჩოს ტრანსფერზე მუშაობს, სიტუაციას ფასი ართულებს

ჯეიდონ სანჩომ კარიერა შესაძლოა ნაპოლიში გააგრძელოს.

Sky Sport-ის ინფორმაციით, 25 წლის ინგლისელმა, რომელმაც 2024/25 სეზონი ჩელსიში გაატარა, იტალიაში გადაბარგებაზე თანხმობა უკვე განაცხადა.

თუმცა, ამ ეტაპზე მოლაპარაკებებში პრობლემას მანჩესტერის მიერ მოთხოვნილი ფასი ქმნის - იუნაიტედი სანჩოს სანაცვლოდ 25 მილიონ ევროს ითხოვს, რაც ნეაპოლიტანელებს გადამეტებულად ეჩვენებათ იმ ფეხბურთელის სანაცვლოდ, რომელსაც კონტრაქტი 2026 წლის ზაფხულში ეწურება.

გარდა ამისა, სანჩოს გარდა ნაპოლი ბოლონიას ორი ფეხბურთელის ტრანსფერზეც აგრძელებს მუშაობას - შემტევ დანა ნდოიეზე და მცველ სამა ბეკემაზე. საპირისპირო მიმართულებით შესაძლოა ალესანდრო ძანოლი გაეშუროს.

ამ ეტაპზე ნაპოლისთვის სანჩო პრიორიტეტი არ არის, ზემოთხსენებული ფეხბურთელების გარდა, კლუბი ასევე მუშაობს უდინეზეს თავდამსხმელის, ლორენცო ლუკას ტრანსფერზეც.