ოფიციალურად: ჟოან გარსია ბარსელონას ფეხბურთელია

ბარსელონას ოფიციალური გვერდის განცხადებით, ჟოან გარსია კლუბის ახალი ფეხბურთელია.

ბლაუგრანამ გამოსასყიდი პუნქტი გააქტიურა და მეკარე 25 მილიონი ევროს სანაცვლოდ დაიმატა.

24 წლის გარსია ბარსელონასთან 6-წლიან კონტრაქტს გააფორმებს, რომელიც 2031 წლის 30 ივნისამდე იქნება გათვლილი.

ჟოან გარსია ესპანიოლის აღზრდილია და 2021 წლიდან კატალონიური კლუბის ძირითადი გუნდის წევრი იყო.

გარსია 2024 წელს ესპანეთის ნაკრებთან ერთად ოლიმპიური ჩემპიონი გახდა.