ბრაზილიის ნაკრების ვარსკვლავმა ნეიმარმა გერმანელ ეკონომისტსა და მათემატიკოსს, იოახიმ კლემენტს სოციალურ ქსელში დასცინა.
კლემენტმა, რომლის სპეციალურმა საპროგნოზო მოდელმაც 2014, 2018 და 2022 წლების მუნდიალების გამარჯვებულები ზუსტად გამოიცნო, ამჯერად განაცხადა, რომ 1/16 ფინალში იაპონია ბრაზილიას ტურნირიდან გამოაგდებდა. თუმცა, კარლო ანჩელოტის გუნდმა დრამატულ ბრძოლაში იაპონია 2:1 დაამარცხა და მერვედფინალში გავიდა.
მატჩის დასრულებისთანავე ნეიმარმა სოციალურ ქსელ X-ში კლემენტს მიმართა: „ბატონო იოახიმ კლემენტ... გთხოვთ, მომდევნო მსოფლიო ჩემპიონატზე კიდევ სცადოთ“. ბრაზილიელი ამით არ გაჩერებულა; მას შემდეგ, რაც ნიდერლანდები (რომელთაც კლემენტი ტურნირის ჩემპიონობას უწინასწარმეტყველებდა) მაროკოსთან პენალტების სერიაში დამარცხდა, ნეიმარმა მეორე პოსტიც გამოაქვეყნა: „კვლავ შეგეშალათ“.
ბრაზილია ახლა მერვედფინალშია, სადაც კოტ-დ'ივუარსა და ნორვეგიას შორის გამარჯვებულს ელოდება.
