პორტუგალიის ნაკრების ბანაკში მძიმე დღე იყო - გუნდის მთავარი მწვრთნელის ასისტენტის, რიკარდუ კარვალიუს მამა, მანუელ რიბეირუ დე კარვალიუ 69 წლის ასაკში მოულოდნელად გარდაიცვალა.
ხორვატიასთან 1/16 ფინალური მატჩის წინ, ფლორიდის საწვრთნელ ბაზაზე, ნაკრების ფეხბურთელებმა ვარჯიში შეაჩერეს, წრე შეკრეს და წუთიერი დუმილით პატივი მიაგეს გარდაცვლილის ხსოვნას. კაპიტანმა კრიშტიანუ რონალდუმ თავის ყოფილ თანაგუნდელს ემოციური ჩახუტებით მიუსამძიმრა.
კარვალიუმ მუნდიალის ბაზა უკვე დატოვა და ოჯახთან ერთად პორტუგალიაში დაბრუნდა. რობერტო მარტინესის გუნდი კი ხუთშაბათს, ტორონტოში გასამართი უმნიშვნელოვანესი მატჩისთვის მზადებას აგრძელებს, სადაც მათი მეტოქე ხორვატიის ძლიერი ნაკრები იქნება.
