გერმანიის ნაკრები 2026 წლის მსოფლიო ჩემპიონატს 1/16 ფინალიდან სენსაციურად გამოეთიშა.
იულიან ნაგელსმანის გუნდმა პარაგვაისთან მატჩში უდიდესი სათამაშო უპირატესობა აჩვენა, ბურთის ფლობის 75 პროცენტი და 21 დარტყმა ჰქონდა, თუმცა ძირითადი და დამატებითი დრო 1:1 დასრულდა. ხულიო ენსისოს პირველი ტაიმის გოლს გერმანელებიდან მეორე ნახევარში კაი ჰავერცმა უპასუხა. დამატებით დროში ჯონათან ტამ გამარჯვების გოლიც გაიტანა, თუმცა ვიდეორეფერიმ (VAR) ის საეჭვო ჯარიმის გამო გააუქმა.
საქმე პენალტების სერიამდე მივიდა, სადაც გერმანიამ მსოფლიო ჩემპიონატების ისტორიაში პირველად წააგო საფეხბურთო ლატარია. კაი ჰავერცმა და ნიკ ვოლტემადემ დარტყმები გააფუჭეს, თუმცა მანუელ ნოიერმა გუნდი თამაშში დააბრუნა. გადამწყვეტ მომენტში კი მატჩის ანტიგმირად ჯონათან ტა იქცა, რომელმაც ბურთი კარს გადააცილა, ხოსე კანალემ კი პარაგვაის ისტორიული გამარჯვება მოუტანა (პენალტების სერია 4:3).
მატჩის შემდეგ გერმანულ მედიაში მწვრთნელის მიმართ კრიტიკის ქარცეცხლი დატრიალდა. იულიან ნაგელსმანს სასტარტო შემადგენლობის შერჩევა და ტაქტიკური გადაწყვეტილებები არ აპატიეს. მიუხედავად იმისა, რომ მას კონტრაქტი კიდევ ორი წლით აკავშირებს, ექსპერტები მიიჩნევენ, რომ ასეთი სამარცხვინო გამოვარდნის შემდეგ მისი გათავისუფლება მხოლოდ დროის საკითხია.
