საუდის არაბეთის კლუბმა, ალ-იტიჰადმა, ნგოლო კანტეს წასვლის შესახებ ოფიციალურად გამოაცხადა.
ჯედას წარმომადგენლებმა 34 წლის ფრანგ ნახევარმცველთან კონტრაქტის გაწყვეტის შესახებ გადაწყვეტილება ორმხრივი შეთანხმების საფუძველზე მიიღეს. კანტე საუდურ კლუბში 2023/24 წლების სეზონიდან ასპარეზობდა.
ფაბრიციო რომანოს ინფორმაციით, ფრანგი ფეხბურთელი უახლოეს მომავალში სტამბოლის ფენერბაჰჩეს შეუერთდება. თურქულმა გრანდმა ტრანსფერის შესახებ მინიშნება უკვე გააკეთა და გულშემატკივრები კანტეს ოფიციალურ წარდგენას ელიან.
პარალელურად, შედგა ერთგვარი სატრანსფერო გაცვლა: თურქული კლუბიდან ანალოგიური სქემით ალ-იტიჰადში თავდამსხმელი იუსეფ ენ-ნესირი გადავიდა. მაროკოელი ფორვარდი კარიერას სწორედ საუდის არაბეთში გააგრძელებს და ალ-ჰილალში წასული კარიმ ბენზემას შეცვლა დაევალება.
ორივე ტრანსფერი უკვე შეთანხმებულია და მხოლოდ ოფიციალური დადასტურება აკლია.
თავდაპირველად, ფიფამ ეს ორი ურთიერთდამოკიდებული ტრანსფერი დაბლოკა, რადგან მიიჩნია, რომ კლუბები სატრანსფერო ფანჯრის დედლაინში ვერ ჩაეტივნენ, თუმცა საბოლოოდ თანხმობის მიღება მაინც მოხერხდა.
