რაგბიში 4 ერის ტურნირი მიმდინარეობს.
ტრადიციულად ამ ტურნირში მონაწილეობას ახალი ზელანდია, სამხრეთ აფრიკა, ავსტრალია და არგენტინა იღებენ.
13 სექტემბერს, ველინგტონში, მორიგი სარაგბო კლასიკა გაიმართება, სადაც ერთმანეთს ახალი ზელანდია და სამხრეთ აფრიკა დაუპირისპირდებიან.
აღნიშნულ შეხვედრას მთავარი არბიტრის რანგში ნიკა ამაშუკელი გაუძღვება.
4 ერის მიმდინარე გათამაშების ეგიდით 3 ტური უკვე ჩატარდა და ცხრილს ახალი ზელანდია ლიდერობს, რომელმაც 2 მატჩი მოიგო, 1 წააგო და 10 ქულა აქვს.
ასევე 2 მოგება და 1 წაგება აქვს ავსტრალიას, თუმცა მათ 9 ქულა აქვთ და მეორე ადგილზე არიან. თითო მოგებითა და 2 წაგებით მე-3 და მე-4 ადგილზე შესაბამისად არგენტინა და სამხრეთ აფრიკა არიან.
ახალმა ზელანდიამ ოკლენდში გამართულ პირველ მატჩში სამხრეთ აფრიკა 24-17 დაამარცხა.
