საფრანგეთის ნაკრების ვარსკვლავმა მაიკლ ოლისემ წლის მსოფლიო ჩემპიონატზე მორიგი გამორჩეული მატჩი ჩაატარა და ინგლისთან მესამე ადგილისთვის გამართულ შეხვედრაში 2 საგოლე გადაცემა შეასრულა.
ამის შედეგად ოლისემ მიმდინარე მუნდიალზე 7 საგოლე გადაცემას მოუყარა თავი და ისტორიული რეკორდი დაამყარა.
მსოფლიო ჩემპიონატების ისტორიაში, სტატისტიკის წარმოების დაწყებიდან, ერთ ტურნირზე ყველაზე მეტი ასისტი სწორედ მას ეკუთვნის.
ფრანგმა ფეხბურთელმა ბრაზილიის ლეგენდის, პელეს, რეკორდი გააუმჯობესა, რომელმაც 1970 წლის მსოფლიო ჩემპიონატზე 6 საგოლე გადაცემა შეასრულა.
ამ მიღწევით ოლისემ თავისი სახელი მსოფლიო ჩემპიონატების ისტორიაში ოქროს ასოებით ჩაწერა.
2026 წლის მსოფლიო ჩემპიონატის განმავლობაში ოლისემ „ლე ბლუს“ შეტევებში გადამწყვეტი როლი ითამაშა და არაერთი გოლის შექმნაში მნიშვნელოვანი წვლილი შეიტანა, თუმცა აღსანიშნავია, რომ მან ტურნირზე გოლის გატანა ვერ მოახერხა, მათ შორის ინგლისთან რამდენიმე კარგი შანსი ვერ გამოიყენა.
