ბაიერნისა და გერმანიის ნაკრების ლეგენდარულმა მეკარემ, ოლივერ კანმა, ჯამალ მუსიალას მოულოდნელი რჩევა მისცა.
კანის აზრით, 23 წლის შემტევმა ამ ზაფხულს დაგეგმილი მსოფლიო ჩემპიონატი უნდა გამოტოვოს, რათა საკუთარ თავზე მუშაობასა და ოპტიმალური ფორმის აღდგენაზე მოახდინოს ფოკუსირება.
მუსიალა კვლავ ცდილობს დაიბრუნოს საუკეთესო კონდიციები იმ მძიმე ტრავმის შემდეგ, რომელიც გასულ ზაფხულს, მსოფლიო საკლუბო ჩემპიონატზე მიიღო. კანის თქმით, მისი მიმდინარე სეზონის თამაშიდან გამომდინარე, მუნდიალი პრიორიტეტი არ უნდა იყოს.
მან თავი უნდა შეიკავოს მსოფლიო ჩემპიონატში მონაწილეობისგან. თუ ვგრძნობ, რომ ჩემს თამაშში რაღაც რიგზე ვერ არის, მაშინ საკუთარ თავზე უნდა ვიმუშაო, რომ ისევ მზად ვიყო.
მსგავსი პოზიცია აქვს გერმანიის ნაკრების კიდევ ერთ ყოფილ ფეხბურთელს, დიტმარ ჰამანსაც. ის მიიჩნევს, რომ დრო იწურება და მუსიალასთვის მუდმივი თამაში ამ ეტაპზე არც მას არგიებს და არც გუნდს.
მსოფლიო ჩემპიონატი ახლა ჯამალისთვის აქტუალური თემა არ არის. მან ფორმის ძიებაზე უნდა გააკეთოს აქცენტი. ტურნირამდე მხოლოდ შვიდი კვირა დარჩა და ყველაფერი იდეალურად უნდა წარიმართოს. ის უკვე ხუთი თვეა ვარჯიშობს და რაღაც მომენტში ტრავმა ვეღარ იქნება გამართლება, მიუხედავად იმისა, რომ დაზიანება მართლაც სერიოზული იყო.
