გიორგი წიტაიშვილის შემდეგ ფრანგულ მეცთან კონტრაქტი ოფიციალურად გიორგი აბუაშვილმაც გააფორმა.
ქართველი შემტევი ლიგა 1-ის გუნდს ერთწლიანი იჯარის წესით ფოთის კოლხეთიდან შეუერთდა.
22 წლის მოთამაშემ სლოვაკეთში გამართულ ახალგაზრდულ ევროპის ჩემპიონატზე საქართველოს 21-წლამდე ნაკრებში იასპარეზა და საფრანგეთთან მატჩში გოლი და საგოლე გადაცემაც მიითვალა.
ფრანგულმა მეცმა გასული სეზონი ლიგა 2-ში გაატარა და უმაღლესი დივიზიონის საგზური მოიპოვა. შეგახსენებთ, რომ ამ გუნდში რამდენიმე სეზონი გიორგი მიქაუტაძემ გაატარა და იქაურ გულშემატკივრებს თავი დიდებულად დაამახსოვრა.
ლიგა 1-ის ქართულ ლეგიონს კიდევ ერთი ქართველი ემატება - ხვიჩა კვარაცხელია, გიორგი მიქაუტაძე, გიორგი წიტაიშვილი და გიორგი აბუაშვილი.
