ოფიციალურად: რეალის აკადემიის ფეხბურთელი ალავესში გადავიდა

მადრიდის რეალის აკადემიის აღზრდილი, იუსეფ ენრიკესი მეტსახელად იუსი ალავესში ითამაშებს.

19 წლის ფეხბურთელმა ახალ კლუბთან კონტრაქტი 2029 წლის ივნისამდე გააფორმა.

არსებული ინფორმაციით, რეალმა იუსის უფლებების 50%-ში დაახლოებით 3 მილიონი ევრო მიიღო. სამეფო კლუბს ფეხბურთელის უკან დაბრუნება მომდევნო ორი წლის განმავლობაში, გარკვეული თანხის სანაცვლოდ შეეძლება.

ფეხბურთელის 50% უფლებების გაყიდვა იმას ნიშნავს, რომ მომდევნო ტრანსფერიდან, თუ ალავესი ფეხბურთელის გასხვისებას გადაწყვეტს, თანხის ნახევარს რეალი მიიღებს.