UEFA-მ და CONMEBOL-მა, ესპანეთის ფეხბურთის ფედერაციასთან (RFEF) და არგენტინის ფეხბურთის ასოციაციასთან (AFA) ერთად, დღეს ოფიციალურად გამოაცხადეს ფინალისიმა 2026-ის ჩატარების ადგილი, თარიღი და მატჩის დაწყების დრო.
ამ გამორჩეულ შეხვედრაში ერთმანეთს ორი კონტინენტური ტიტულის მფლობელი, ევრო 2024-ის გამარჯვებული ესპანეთი და კოპა ამერიკა 2024-ის ჩემპიონი არგენტინა დაუპირისპირდებიან.
მატჩი კატარში, ლუსაილის სტადიონზე, 2026 წლის 27 მარტს გაიმართება. თამაში საქართველოს დროით 22:00 საათზე დაიწყება.
მსოფლიოს მოქმედმა ჩემპიონმა არგენტინამ ფინალისიმას პირველი გათამაშება 2022 წელს მოიგო, როდესაც უემბლის სტადიონზე იტალია 3:0 დაამარცხა.
