ოფიციალურად - ფიფა-მ მუნდიალის მონაწილეები კალათებში გადაანაწილა

5 დეკემბერს, აშშ-ის დედაქალაქ ვაშინგტონში, ჯონ კენედის სახელობის ხელოვნების ცენტრში, 2026 წლის მსოფლიო ჩემპიონატის წილისყრა გაიმართება.

ფიფა-მ გამოაქვეყნა ის 4 კალათი, რომელთა მიხედვით, ფინალურ ეტაპზე გასული 48 ნაკრები 12 ჯგუფში გადანაწილდება.

I კალათა: კანადა, მექსიკა, აშშ, ესპანეთი, არგენტინა, საფრანგეთი, ინგლისი, ბრაზილია, პორტუგალია, ნიდერლანდები, ბელგია, გერმანია;

II კალათა: ხორვატია, მაროკო, კოლუმბია, ურუგვაი, შვეიცარია, იაპონია, სენეგალი, ირანი, სამხრეთ კორეა, ეკვადორი, ავსტრია, ავსტრალია;

III კალათა: ნორვეგია, პანამა, ეგვიპტე, ალჟირი, შოტლანდია, პარაგვაი, ტუნისი, კოტ დ'ივუარი, უზბეკეთი, კატარი, საუდის არაბეთი, სამხრეთ აფრიკა;

IV კალათა: იორდანია, კაბო ვერდე, განა, კურასაო, ჰაიტი, ახალი ზელანდია, ევროპის პლეი-ოფის A გზის გამარჯვებული, ევროპის პლეი-ოფის B გზის გამარჯვებული, ევროპის პლეი-ოფის C გზის გამარჯვებული, ევროპის პლეი-ოფის D გზის გამარჯვებული, ფიფა-ს პლეი-ოფის A გზის გამარჯვებული, ფიფა-ს პლეი-ოფის B გზის გამარჯვებული.

შესაბამისად, მსოფლიოს 4-გზის ჩემპიონი იტალიის ნაკრები, თუკი ევროპის პლეი-ოფის A გზას გაივლის, მუნდიალის ჯგუფში მე-4 კალათის წარმომადგენელი იქნება.

წილისყრის მეორე დღეს, 6 დეკემბერს, ჯგუფური ეტაპის კალენდარი, მატჩების მასპინძელი სტადიონები და დაწყების დროები გვეცოდინება.

მსოფლიო ჩემპიონატის ისტორიაში პირველი 48-გუნდიანი ტურნირის დაწყებამდე 200 დღეზე ნაკლები რჩება. გათამაშება 11 ივნისს გაიხსნება და 19 ივლისს, ნიუ ჯერსიში მდებარე MetLife Stadium-ზე გასამართი ფინალური მატჩით დასრულდება.