ოფიციალურად: რეალმა მორიგი ტრანსფერი დაადასტურა

კარლოს ესპი კარიერას მადრიდის რეალში გააგრძელებს.

სამეფო კლუბი და ლევანტე 21 წლის ესპანელი თავდამსხმელის ტრანსფერზე შეთანხმდნენ. ფეხბურთელმა მადრიდელებთან 5-წლიანი კონტრაქტი გააფორმა, რომელიც 2031 წლის 30 ივნისამდე იმოქმედებს.

მადრიდულმა გრანდმა ვალენსიურ კლუბს ამ ტრანსფერში 25 მილიონი ევრო გადაუხადა, რაც ფეხბურთელის გამოსასყიდი თანხა იყო.

ესპიმ ლევანტეს შემადგენლობაში 3 სეზონი გაატარა, სადაც ჩატარებულ 66 მატჩში 20 გოლი გაიტანა.

გასულ სეზონში ის ჩემპიონატის საუკეთესო 23-წლამდელ ფეხბურთელად დასახელდა.

კარლოს ესპი ესპანეთის 19 და 20-წლამდელთა ნაკრებების წევრია.