ოფიციალურად: სტეფანო პიოლი სერია ა-ში დაბრუნდა

ფიორენტინას ოფიციალური გვერდის განცხადებით, სტეფანო პიოლი გუნდის ახალი მთავარი მწვრთნელია.

იტალიელმა სპეციალისტმა გასული სეზონის ბოლოს ალ ნასრი დატოვა და ახლა ფლორენციელებთან კონტრაქტი 2028 წლამდე გააფორმა.

პიოლისთვის ფიორენტინა უცხო გუნდი არ არის. 1989-95 წლებში იტალიელი, როგორც ფეხბურთელი, სწორედ იების შემადგენლობაში ასპარეზობდა.

2017-19 წლებში კი სტეფანო ფლორენციელთა მთავარი მწვრთნელი იყო. შემდეგ იყო მილანი, რომელსაც მან სკუდეტო მოაგებინა, 2024 წელს კი იტალიელმა სპეციალისტმა სერია ა დატოვა და ალ ნასრს წვრთნიდა.

59 წლის პიოლიმ ფიორენტინას მთავარი მწვრთნელის პოსტზე რაფაელე პალადინო შეცვალა.