ტოტენჰემმა გუნდის მთავარ მწვრთნელად დანიელი ტომას ფრანკის დანიშვნა ოფიციალურად დაადასტურა.
მხარეებს შორის 3-წლიანი კონტრაქტი გაფორმდა 2028 წლის ივნისამდე.
51 წლის სპეციალისტი ამ თანამდებობაზე ავსტრალიელ ენჯ პოსტეკოგლუს ჩაანაცვლებს, რომელმაც ტოტენჰემს 17-წლიანი პაუზის შემდეგ ტიტული მოაგებინა.
ფრანკის უკანასკნელი სამუშაო ადგილი ბრენტფორდი იყო, რომელსაც ის 2018 წლიდან წვრთნიდა და 74 წლიანი პაუზის შემდეგ ინგლისის უმაღლეს დივიზიონში ამოიყვანა.
დანიელი მწვრთნელის გადმობირება ტოტენჰემს 10 მილიონ ფუნტამდე დაუჯდა.
